अत्तरl

तुझ्या श्वासात ऐसे गंध मिसळावे,

तुझ्या मिठीत हळुवार हरवावे…

तू अलवार जवळ घेऊनी ऐसे कुस्कारावे

जणू फुलांचे सुगंधी अत्तर व्हावे,

तुझ्या अधरांच्या ओल्या स्पर्शाच्या 

लाल मोहरांनी शरीर थरथरावे..

तुझ्या स्पर्शात विरघळून जावे,

क्षण सगळे उष्ण चांदण्यात न्हावे..

आणि त्या क्षणाच्या उष्णतेत,

रात्र सारी अलगद जळावी…

डोळ्यांत तुझ्या माझे घर सापडावे,

आणि जगणे फक्त “आपले” व्हावे…

अन मिठीतून दूर जावास तरी,

मनाची ओढ तुला परत बोलवावे…