तुझ्या मिठीत विरघळताना…

तुझ्या नजरेतली ती नशा,

माझ्या श्वासांत अलगद मिसळते…

तुझ्या मिठीत हरवताना मी,

लाजून स्वतःलाच हरवते…

तुझ्या बोटांची ती अलवार नक्षी,

माझ्या देहावर शहारा उमटवते…

तुझ्या उष्ण श्वासांच्या स्पर्शात,

मी हळूहळू विरघळून जाते…

तुझ्या जवळी येता येता,

पापणी लाजून अलगद मिटते…

तुझ्या छातीवर डोकं टेकता,

हृदय फक्त तुझंच नाव घेते…

तुझ्या श्वासांचा तो मंद सुगंध

माझ्या गळ्याभोवती गुंफून राहतो,

मिठीच्या त्या विळाख्यात

तू माझ्यात अलगद विसावतो..

तुझ्या ओठांची जवळ येणारी चाहूल,

श्वासांत दाटते धुंद नशा…

क्षणभर थांबते सारी दुनिया,

आणि देहभर पसरते गोड शिरशिरीची भाषा…

आधारांच्या त्या मिलनात

मी भान हरपून जाते

अलवार तुझ्या प्रेमाची नशेत

पाठीवर नक्षी कोरत जाते

तुझ्या बाहुपाशात घट्ट गुंतता,

देहावर लाल उमटते मोहर हलकीशी…

तुझ्या मिठीत शिरता लाजून मी कुजबुजते,

“अशीच ठेव मला तुझ्यात जपलेलीशी…”