अलगद, अलवार मिठीत तुझ्या,

अलगद, अलवार मिठीत तुझ्या,
हरवून जावंसं वाटतं,
तुझ्या हृदयाच्या ठोक्यांमध्ये
माझं नाव ऐकावंसं वाटतं.

तुझ्या खांद्यावर डोकं ठेवून,
साऱ्या चिंता विसराव्याशा वाटतात,
तुझ्या एका हसण्यातच
माझ्या सगळ्या सकाळी उजळून जातात.

तुझ्या स्पर्शाच्या त्या शांत उबेत,
शब्दही अबोल होतात,
नजरा फक्त नजरेत मिसळून
हजारो भावना बोलून जातात.

तुझा हात हातात असला की,
प्रवासही सुंदर भासतो,
तू सोबत असलास की
प्रत्येक क्षण आयुष्याचा खास वाटतो.

आणि जर कधी वेळ थांबू शकला,
तर एकच हट्ट करेन मी—
अलगद, अलवार मिठीत तुझ्या,
अख्खं आयुष्य जगावंसं वाटतं.

~●๋•ηινє∂ιтα ραтιℓ ●๋•

 ▐ ■ αттιтυ∂є ιѕ α ℓιттℓє тнιηg тнαт мαкєѕ α вιg ∂郃єяєη¢є■▐